"Legiya" hücumçusunu Emreliyə uduzduğu üçün göndərir

Azərbaycan millisinin futbolçusu Mahir Emrelinin çıxış etdiyi Polşa "Legiya"sının qış fasiləsində vidalaşacağı 3 oyunçu bəlli olub.

"Report" yerli mətbuata istinadən xəbər verir ki, bunlar hücumçular Tomaş Pexart, Rafael Lopeş və yarımmüdafiəçi Andre Martinşdir.

Ötən mövsüm Varşava təmsilçisinin heyətində 22 qolla Ekstraklasanın bombardiri olmuş Pexartın rəqabətdə Emreliyə uduzması səbəbindən göndəriləcəyi iddia olunur.

Qeyd edək ki, Mahir Emreli "Legiya"ya cari mövsümün əvvəlində "Qarabağ"dan keçib. Hazırda onun aktivində 10 qol var.