Kvaratsxeliya İtaliya A Seriyasının tarixinə düşüb

Gürcüstan millisinin və "Napoli"nin futbolçusu Xviça Kvaratsxeliya İtaliya A Seriyasının tarixinə düşüb.

"Report"un məlumatına görə, 22 yaşlı hücumameylli yarımmüdafiəçi buna mart ayının ən yaxşı oyunçusu seçilməklə nail olub.

Üçüncü dəfə sözügedən mükafata layiq görülən gənc vinger bir mövsümdə bunu bacaran ilk futbolçu kimi yadda qalıb. O, cari mövsüm avqust və fevral aylarının da ən yaxşısı adını qazanıb.

Qeyd edək ki, Xviça Kvaratsxeliya bu ay A Seriyasında 2 qol vurub və bir məhsuldar ötürmə edib.