Klublar Komitəsi Premyer Liqada legioner limiti məsələsini müzakirə edib

Bakı Olimpiya Stadionunda AFFA-nın Klublar Komitəsinin növbəti iclası keçirilib.

"Report" milli assosiasiyanın rəsmi saytına istinadən xəbər verir ki, iclasda AFFA-nın baş katibi Sərxan Hacıyev, AFFA-nın texniki direktoru Cahangir Həsənzadə, Peşəkar Futbol Liqasının (PFL) texniki idman şöbəsinin müdiri Elgiz Abbasov, PFL-in Mətbuat və İctimaiyyətlə Əlaqələr Departamentinin rəisi Aslan Şahgəldiyev və Azərbaycan Premyer Liqasında mübarizə aparan klubların nümayəndələri iştirak edib.

Toplantıda növbəti mövsüm Azərbaycan Premyer Liqasında legioner limiti və əvəzetmə sayı ilə bağlı məsələlər müzakirə olunub.