"Keşlə" klubunun qış hazırlıq planı müəyyənləşib

Bakı. 28 dekabr. REPORT.AZ/ "Keşlə" klubu qış fasiləsində növbəti dövrənin oyunlarınının hazırlıqlarına Bakıda start verəcək. "Report"un klubun rəsmi saytına istinadən məlumatına görə, paytaxt komandası yanvarın 5-də bir araya gələrək məşqlərə başlayacaq.

Hazırlıqlar çərçivəsində iki yoxlama matçı planlaşdırılıb. Yanvarın 14-də rəqib “Neftçi” olacaq. "Qaradağ Lökbatan"la nəzərdə tutulan digər görüşün tarixi hələ müəyyənləşməyib.

Bakı toplanışından sonra "Keşlə" Türkiyənin Antalya bölgəsinə yola düşəcək. Azərbaycan komandası qardaş ölkədə 3 yoxlama matçı keçirməyi planlaşdırır. Rəqiblər və oyunların tarixləri barədə əlavə məlumat veriləcək.