"Keşlə" 4 əcnəbi futbolçu ilə yollarını ayırıb

Bakı. 22 dekabr. REPORT.AZ/ "Keşlə" klubu 4 əcnəbi futbolçusu ilə yollarını ayırıb. 

Klubdan "Report"a verilən məlumata görə, baş məşqçi Tərlan Əhmədov Ebrima Sohna, Bahodir Nəsimov və Georgio Georgiadisin xidmətinə ehtiyac görməyib. 

Bu futbolçularla olan müqavilələrə qarşılıqlı razılıq əsasında xitam verilib. Paytaxt təmsilçisi müqaviləsi başa çatan digər legioneri Herve Tçaminin sözləşməsinin uzadılmaması ilə bağlı qərar qəbul edib.