Keçmiş hakimin ömürlük cəzadan şikayəti rədd edildi

Apelyasiya Arbitraj Tribunalı keçmiş futbol hakimi Anar Niyazovun apelyasiya şikayətinə baxıb. 

"Report"un məlumatına görə, tribunal Niyazovun şikayətini təmin etməyib. 

UEFA-dan daxil olmuş “danışılmış oyunlarla” bağlı hesabatlara və AFFA-nın İcraiyyə Komitəsinin bununla bağlı tövsiyələrinə əsaslanaraq “danışılmış oyunlarda” iştirak etdiyinə görə onun futbola aid hər bir məşğuliyyətinin ömürlük qadağan edilməsi barədə İntizam Komitəsinin 16 mart 2017-ci il tarixli qərarı qüvvədə saxlanılıb.