Karlos Teves rəsmən dünyanın ən yüksək ödənişli futbolçusu olub

Bakı. 29 dekabr. REPORT.AZ/ Argentinalı futbolçu Karlos Teves Çinin "Şanxay Şenxua" klubu ilə müqavilə imzalayıb.

"Report" "Daily Mail"ə istinadən xəbər verir ki, 32 yaşlı hücumçu yeni komandasında həftəsinə 615 min avro alacaq ki, bu da onu dünyanın ən yüksək ödənişli futbolçusu edəcək.

Belə olan halda o, İspaniya "Real"ının həftəsinə 365 min avro alan portuqaliyalı futbolçusu Kriştiano Ronaldonu geridə qoymuş olub.