Karlo Ançelotti "Mançester Yunayted"in baş məşqçisi ola bilər

İspaniyanın "Real Madrid" klubunun baş məşqçisi Karlo Ançelotti karyerasını İngiltərədə davam etdirə bilər.

"Report" ESPN-ə istinadən xəbər verir ki, "Mançester Yunayted" 63 yaşlı mütəxəssisin namizədliyini nəzərdən keçirir.

Ançelottinin "qırmızı-şeytanlar"ın sabiq baş məşqçisi Aleks Ferqyuson və hazırkı baş direktor Riçard Arnoldla münasibətlərinin yaxşı olduğu bildirilir. Ferqyuson italiyalı baş məşqçini kluba tövsiyə edib.

"Mançester Yunayted"də Fransa PSJ-sinin sükanı arxasında olan Maurisio Poçettino və Hollandiya "Ayaks"ına rəhbərlik edən Erik ten Haq da namizədlər siyahısındadır.

Qeyd edək ki, komandanın hazırkı baş məşqçisi Ralf Ranqnikin müqaviləsi mövsümün sonunda başa çatacaq.