Kafedə dava salan rusiyalı futbolçunun apellyasiya şikayəti təmin edilməyib

Bakı. 19 oktyabr. REPORT.AZ/ Rusiyalı futbolçu Pavel Mamayevin növbəti məhkəmə prosesi keçirilib.

"Report" championat.com saytına istinadən xəbər verir ki, məhkəmədə "Karsnodar"ın yarımmüdafiəçisinin apellyasiya şikayəti təmin edilməyib. O, iki aylıq həbs cəzasının ev dustaqlığı ilə əvəz olunmasını istəyib.

Moskva şəhər məhkəməsi futbolçunun həbsdə qalması ilə bağlı qərar çıxarıb.

Qeyd edək ki, Mamayevlə "Zenit"in futbolçusu Aleksandr Kokorin Sənaye və Ticarət Nazirliyi Departamentinin rəhbəri Denis Pakın və aparıcı Olqa Uşakovanın sürücüsü Vitali Solovçukun döyülməsində ittiham olunurlar. Onlar dostları ilə birgə səhər yeməyi zamanı səs-küy salaraq, ətrafdakıların və kafe personalının ciddi etirazı ilə qarşılaşıblar. Etirazını daha sərt şəkildə bildirən dövlət məmurları - Denis Pak və Sergey Qaysin isə futbolçuların hücumuna məruz qalıb. Onlar Pakın dişini sındırıblar. Bu hadisədən sonra hər iki futbolçunun əmlakına da həbs qoyulub.