İtaliyanın daha bir klubu Kvaratsxeliya ilə maraqlanır

İtaliyanın daha bir klubu Kvaratsxeliya ilə maraqlanır 20 yaşlı yarımmüdafiəçi İtaliyada çıxış edə bilər
Futbol
118
10 Aprel , 2021 12:00
İtaliyanın daha bir klubu Kvaratsxeliya ilə maraqlanır

Gürcüstan millisinin və Rusiya "Rubin"inin futbolçusu Xviça Kvaratsxeliya ilə İtaliyanın daha bir klubu maraqlanır.

"Report" "Tuttomercatoweb" nəşrinə istinadən xəbər verir ki, "Atalanta" 20 yaşlı hücumameylli yarımmüdafiəçini heyətinə qatmaq istəyir.

Berqamo təmsilçisi Kvaratsxeliya üçün "Yuventus", "Milan", "İnter", "Napoli" və Almaniyanın "Borusiya" (Dortmund) klubu ilə mübarizə aparacaq.

Qeyd edək ki, bu mövsüm "Rubin"in heyətində 21 oyun keçirmiş Xviça Kvaratsxeliya 4 qol vurub, 8 məhsuldar ötürmə edib. Gənc futbolçu DÇ-2022-nin martdakı oyunlarında İspaniya və Yunanıstan yığmalarının qapısına da yol tapıb. Kazan təmsilçisi ilə 2024-cü ilədək müqaviləsi olan Kvaratsxeliyanın transfer qiyməti 10 milyon avro olaraq dəyərləndirilir.

O, Azərbaycan millisinin sabiq futbolçusu Badri Kvaratsxeliyanın oğludur.

Son xəbərlər

Orphus sistemi