İspaniya klubu La Liqa rekordunu təkrarlayıb

İspaniyanın "Barselona" klubu bir matçda qapıya vurulan zərbələrin sayına görə La Liqa rekordunu təkrarlayıb.

"Report" "Opta"ya istinadən xəbər verir ki, bu, XXXIII turda "Malyorka"ya qarşı oyunda (1:0) gerçəkləşib.

Hans-Diter Flikin rəhbərlik etdiyi kollktiv rəqib qapısına 40 zərbə endirib. Bu zərbələrdən 13-ü "çərçivə"yə gedib.

2003/2004 mövsümündən bəri bu göstəricidə yeganə rekordçu "Real" idi. Madrid klubu 2011-ci ildə ölkə çempionatında "Saraqosa"nın qapısına eyni sayda zərbə endirmişdi.

Qeyd edək ki, "Barselona" hazırda 76 xalla turnir cədvəlinin ilk pilləsində qərarlaşıb.