İngiltərə Premyer Liqasında yeni mövsüm başlayıb: “Mançester Siti” rəqibini darmadağın edib

İngiltərə Premyer Liqasında 2023/2024 mövsümünə start verilib.

“Report” xəbər verir ki, birinci həftənin ilk matçında Premyer Liqaya yenicə yüksəlmiş “Bernli” evdə ötən mövsümün çempionu “Mançester Siti”ni qəbul edib.

Törf Mur stadionunda baş tutan matç ev sahibi komandanın darmadağını (0:3) ilə yekunlaşıb. Belə ki, 4-cü dəqiqədə Erlinq Holann mövsümün ilk qoluna imza atıb. Norveçli futbolçu 32 dəqiqə sonra özünün və komandasının ikinci qolunu vurub. “Şəhərlilər”in böyük üstünlüyü ilə keçən oyunda son nöqtəni Rodri qoyub.