İspaniya məhkəməsi "Barselona"nın futbolçusunu cərimələyib

Bakı. 26 noyabr. REPORT.AZ/ İspaniya məhkəməsi "Barselona" klubunun futbolçusu Jerard Pikeni 48 min avro məbləğində cərimələyib. 

"Report" "Marca"ya istinadən xəbər verir ki, buna səbəb 31 yaşlı müdafiəçinin etibarsız vəsiqə ilə avtomobil idarə etməsi olub. 

Bildirilib ki, hadisə bu ilin avqust ayında baş verib. Təcrübəli oyunçu buna görə 6 aylıq həbs cəzasına da məruz qala bilərdi. 

Qeyd edək ki, Jerard Pike 2008-ci ildən "Barselona"da çıxış edir. O daha öncə klub almaq istədiyini söyləyib