İranda Gənclər və İdman İdarəsinə ilk dəfə qadın rəhbərlik edəcək

Bakı. 9 iyun. REPORT.AZ/ İranda Gənclər və İdman İdarəsinə ilk dəfə qadın rəhbərlik edəcək. Məryəm Bəxşi Gilan əyalətinin Gənclər və İdman İdarəsinin rəisi təyin olunub.

"Report"un İRNA-ya istinadən verdiyi məlumatına görə, bu barədə ölkənin gənclər və idman naziri Məsud Sultanifər əmr imzalayıb.

Bəxşi indiyədək Gilanın Gənclər və İdman İdarəsində müxtəlif vəzifələrdə çalışıb. O, İranda belə yüksək vəzifəyə təyin olunan ilk qadındır.