İnfarkt keçirən məşhur qapıçının bərpa olunacağı vaxt müəyyənləşib

Portuqaliyanın “Portu” komandasının infarkt keçirən qapıçısı İker Kasilyasın xəstəxanadan çıxacağı tarix bəlli olub. 

"Report" "Goal.com"a istinadən xəbər verir ki, 37 yaşlı qolkiper mayın 4-də xəstəxanadan evə buraxılacaq.

Hazırda təcrübəli oyunçunun yaxşı vəziyyətdə olduğu bildirilib. Kasilyasın infarktdan sonra bərpa müddəti 2-3 ay çəkəcək. İspaniyalı oyunçunun karyerasına davam edib-etməyəcəyi hələ ki bəlli deyil. 

Qeyd edək ki, İspaniya millisinin sabiq qapçısı olan Kasilyas 1998-2015-ci illərdə vətənində “Real Madrid”in formasını geyinib. O, 4 ildir “Portu”da çıxış edir.