Fransa millisinin baş məşqçisi: Hər iki komanda aqressiv futbol oynadı

“Hər iki komanda gərgin futbol oynadı”.

“Report” xəbər verir ki, bunu Fransa millisinin baş məşqçisi Didye Deşam Niderland ilə keçirilən AVRO-2024-ün qrup mərhələsinin II turunun oyunundan sonra mətbuat konfransında deyib.

“Təəssüf ki, bu görüşdə qol vura bilmədik. Hər iki komanda aqressiv futbol oynadı, futbolçularımın göstərdikləri oyundan razı qaldım. Baxmayaraq ki, hücumda effektli ola bilmədik və qol gəlmədi. Buna görə məyusam. 1/8 finala yüksəlmək üçün qarşıdakı matçda qələbə qazanmağa çalışacağıq”, - deyə D.Deşam söyləyib.

Qeyd edək ki, Almaniyada təşkil olunan AVRO-2024-ün D qrupunun matçında Fransa Niderland yığması ilə heç-heçə edib - 0:0.