Fransa millisinin baş məşqçisi: Heç məyus deyiləm

Heç məyus deyiləm. Əlbəttə ki, birinci yeri tutmaq istəyirdik, amma rəqib qapıçı əla idi.

"Report" UEFA-nın mətbuat xidmətinə istinadən xəbər verir ki, bunu Almaniyada təşkil olunan Avropa çempionatının qrup mərhələsinin III turunda baş tutan Fransa - Polşa matçından sonra Fransa millisinin baş məşqçisi Didye Deşam mətbuat konfransında deyib.

Mütəxəssis Polşa millisinin qapıçısı Lukas Skorupskini tərifləyib: "Çoxlu seyvlər etdi. Qapıçını qiymətləndirmək lazımdır. Şanslarınız ola bilər, amma həmişə qol vura bilməzsiniz".

Qeyd edək ki, Fransa - Polşa matçı 1:1 hesabı ilə yekunlaşıb. Fransa millisi D qrupunda ikinci yerin sahibi kimi növbəti mərhələyə vəsiqə qazanıb.