​FİFA prezidenti: "Futbolda korrupsiya yoxdur"

Bakı. 27 avqust. REPORT.AZ/ "Mən özümü müdafiə etməyə qadirəm. Buna kifayət qədər gücüm var". "Report"un məlumatına görə, bunu BBC-yə açıqlamasında FİFA prezidenti Yozef Blatter deyib.

Ali futbol qurumunda baş verən korrupsiyada adının hallanmasına münasibət bildirən Y.Blatter FİFA-nı qorumaq üçün öz postundan gedə biləcəyini bildirib: "Nəyi edib, nəyi etmədiyimi yaxşı bilirəm. Mənim vicdanım təmizdir".

"Futbolda korrupsiya yoxdur. Korrupsiya hansısa mərhələdə, fərdi şəkildə ola bilər. Ancaq bu mövzuda ümumi problem görmürəm" - deyə, Y.Blatter bildirib.