DÇ-2022: Təxirə salınan seçmə mərhələ matçlarının vaxtı açıqlandı

DÇ-2022: Təxirə salınan seçmə mərhələ matçlarının vaxtı açıqlandı Konfederasiya VII və VIII turun iyunda baş tutacağını təsdiqləyib
Futbol
182
24 Aprel , 2021 10:08
DÇ-2022: Təxirə salınan seçmə mərhələ matçlarının vaxtı açıqlandı

Cənubi Amerika Futbol Konfederasiyası (CONMEBOL) 2022-ci il Qətərdə keçiriləcək dünya çempionatının təxirə salınan seçmə oyunlarının yeni vaxtını açıqlayıb.

"Report" "CONMEBOL"un rəsmi saytına istinadən xəbər verir ki, qarşılaşmalar payızda gerçəkləşəcək.

Martda koronavirusa görə baş tutmayan V və VI turun matçları sentyabr, oktyabr və noyabrda olacaq. Dəqiq tarixlər daha sonra müəyyənləşəcək.

Konfederasiya VII və VIII turun isə iyunda keçiriləcəyini təsdiqləyib.

Qeyd edək ki, martdakı görüşlər bütün oyunçuları milli komandalarda vaxtında bir araya gətirmək mümkün olmadığı üçün təxirə salınıb.

Xatırladaq ki, DÇ-2022 gələn il 21 noyabr - 18 dekabrda olacaq. Bu, qış vaxtı təşkil olunacaq ilk mundialdır.

Son xəbərlər

Orphus sistemi