"Barselona"nın baş məşqçisi: "ÇL kubokunu inəklərə göstərmək istəyirəm"

"Futbolçularıma deyirəm ki, mən titul qazanmağa tələsirəm. Uduzmağa vaxtım yoxdur".

"Report"un məlumatına görə, bu fikirləri İspaniyanın "Barselona" klubunun baş məşqçisi Enrike Setyen AS nəşrinə açıqlamasında deyib.

O bildirib ki, Çempionlar Liqası (ÇL) və La Liqanın qalibi olmaq istəyir: "Hər iki turnirdə uğur qazansaq, daha yaxşı olar. Əlbəttə, otlaqlarda inəklərin arasında gəzişmək və ÇL kubokunu onlara göstərmək istəyirəm".

Qeyd edək ki, "Barselona" Çempionlar Liqasının 1/8 final mərhələsinin ilk oyununda səfərdə "Napoli" ilə 1:1 hesablı heç-heçə edib. Sonradan yerli liqalarla yanaşı, avrokuboklar da koronavirus pandemiyasına görə təxirə salınıb.