Bakı. 6 May. REPORT.AZ/ Çempionlar Liqasında ötən axşam yarımfinal mərhələsinə start verilib.
"Report" xəbər verir ki, “Yuventus” öz meydanında Madrid “Real”ı qəbul edib.
Oyuna fəal başlayan Turinlilər 9-cu dəqiqədə hesabı açıblar. Məğlub duruma düşən turnirin son qalibi "Real" hücumda təzyiqi artırıb və 27-ci dəqiqədə bərabərlik qoluna imza atıb.
İkinci hissəyə daha fəal başlayan İtaliya klubu isə argentinalı hücumçu Karlos Tevesin özünə qarşı kobudluğa görə təyin olunmuş penaltini qola çevirməsi ilə qələbə sevincini yaşayıb.
Cavab görüşü mayın 13-də Madriddə keçiriləcək.