Çempionlar Liqası: Pley-offa ilk 2 vəsiqənin sahibi bəlli olub

Çempionlar Liqası: Pley-offa ilk 2 vəsiqənin sahibi bəlli olub UEFA Çempionlar Liqasının qrup mərhələsində IV tura start verilib.
Futbol
653
3 Noyabr , 2021 01:54
Çempionlar Liqası: Pley-offa ilk 2 vəsiqənin sahibi bəlli olub

UEFA Çempionlar Liqasının qrup mərhələsində IV turun daha 6 oyunu keçirilib.

"Report"un məlumatına görə, pley-offa ilk 2 vəsiqənin sahibi müəyyənləşib.

E qrupunda Almaniya "Bavariya"sı Portuqaliyada "Benfika"ya qalib gəlib. Xallarını 12-yə çatdıran Münhen təmsilçisi sona 2 tur qalmış qrupdan çıxmağı təmin edib. Bu qrupun digər matçında İspaniya "Barselona"sı Ukraynada Kiyev "Dinamo"sunu çətinliklə məğlub edib.

Pley-offa vaxtından əvvəl yüksələn digər komanda isə İtaliya "Yuventus"u olub. H qrupunda mübarizə aparan Turin təmsilçisi evdə Rusiya "Zenit"i üzərində qələbə qazanaraq, adını növbəti mərhələyə yazdırıb.

Gecənin maraqlı görüşlərindən biri F qrupunda baş tutub. İngiltərənin "Mançester Yunayted" klubu İtaliyada "Atalanta" ilə heç-heçəyə razılaşıb. 

Qeyd edək ki, IV turun digər 8 oyunu bu gün keçiriləcək.

23:39

UEFA Çempionlar Liqasının qrup mərhələsində IV tura start verilib.

"Report"un məlumatına görə, ilk oyun gününə nəzərdə tutulan 8 matçdan 2-si başa çatıb.

G qrupunda Avstriya "Zaltsburq"u Almaniyada "Volfsburq"la qarşılaşıb. Qonaqlar qalib gələcəyi halda pley-offa vəsiqəni vaxtından əvvəl təmin edəcəkdi. Lakin görüş meydan sahiblərinin qələbəsi ilə yekunlaşıb. Bu qrupun digər qarşılaşmasında İspaniya "Sevilya"sı Fransanın "Lill" klubunu qəbul edəcək.

H qrupunda isə İngiltərənin "Çelsi" komandası İsveçdə "Malmö"nü minimal hesabla üstələyib. Yeganə qolu 56-cı dəqiqədə Hakim Ziyeş vurub. Qrupun digər görüşü İtaliyada "Yuventus" və Rusiyanın "Zenit" klubları arasında keçiriləcək.

UEFA Çempionlar Liqası

Qrup mərhələsi, IV tur

2 noyabr

E qrupu

00:00. "Dinamo" (Kiyev, Ukrayna) - "Barselona" (İspaniya) - 0:1

Qol: Ansu Fati, 70

00:00. "Bavariya" (Almaniya) - "Benfika" (Portuqaliya) - 5:2

Qollar: Robert Levandovski, 26; 61; 84, Serj Qnabri, 32, Leroy Sane, 49 - Morato, 38, Darvin Nunyes, 76

Xal durumu: "Bavariya" - 12, "Barselona" - 6, "Benfika" - 4, "Dinamo" - 1.

F qrupu

00:00. "Vilyarreal" (İspaniya) - "Yanq Boyz" (İsveçrə) - 2:0

Qollar: Etyen Kapu, 36, Arno Qruneveld, 89

00:00. "Atalanta" (İtaliya) - "Mançester Yunayted" (İngiltərə) - 2:2

Qollar: Yosip İliçiç, 12, Duvan Sapata, 56 - Kriştianu Ronaldu, 45+1; 90+1

Xal durumu: "Mançester Yunayted" - 7,  "Vilyarreal" - 7, "Atalanta" - 5, "Yanq Boyz" - 3.

G qrupu

21:45. "Volfsburq" (Almaniya) - "Zaltsburq" (Avstriya) - 2:1

Qollar: Bote Baku, 3, Lukas Nmeça, 60 - Maksimilian Vöber, 30

00:00. "Sevilya" (İspaniya) - "Lill" (Fransa) - 1:2

Qollar: Lukas Okampos, 15 - Conatan Devid, 43 (pen.), Conatan İkone, 51

Xal durumu: "Zaltsburq" - 7, "Lill" - 5, "Volfsburq" - 5, "Sevilya" - 3.

H qrupu

21:45. "Malmö" (İsveç) - "Çelsi" (İngiltərə) - 0:1

Qol: Hakim Ziyeş, 56

00:00. "Yuventus" (İtaliya) - "Zenit" (Rusiya) - 4:2

Qollar: Paulo Dibala, 11; 58 (penalti), Federiko Kyeza, 74, Alvaro Morata, 82 - Leonardo Bonuççi, 26 (avtoqol), Sərdar Azmun, 90+2

Xal durumu: "Yuventus" - 12, "Çelsi" - 9, "Zenit" - 3, "Malmö" - 0.

Son xəbərlər

Orphus sistemi