"Çelsi" "Atalanta"dan ikinci müdafiəçini transfer edəcək

İngiltərənin "Çelsi" klubu "Atalanta"nın və İtaliya millisinin 18 yaşlı mərkəz müdafiəçisi Honest Ahanoru transfer etməyə yaxındır.

"Report" xəbər verir ki, bu barədə insayder Canluka Di Marsio öz rəsmi saytında məlumat yayıb.

Onun sözlərinə görə, "Çelsi" gənc futbolçunun alınması üzərində işləyir və transfer məbləği 40 milyon avronu keçəcək. Danışıqlar yekun mərhələyə çatıb. Qeyd olunub ki, cari transfer pəncərəsində Marko Palestra üzrə sövdələşmədən sonra "Çelsi" ilə "Atalanta" arasında yaxşı münasibətlər yaranıb.

Beləliklə, Ahanor bu yay "Atalanta"dan "Çelsi"yə keçən ikinci müdafiəçi ola bilər. Daha əvvəl Palestra İngiltərə klubuna 57+3 milyon avroya və gələcəkdəki hər hansı yenidən satışdan 10 % pay müqabilində keçib.