"Çelsi" 25 ildən sonra antirekordunu təkrarlayıb

İngiltərənin "Çelsi" klubu Premyer Liqada antirekordunu təkrarlayıb.

"Report" "Opta Joe"yə istinadən xəbər verir ki, London təmsilçisi bunu evdə "Fulhem"ə uduzduqları Premyer Liqanın XVIII turunun oyununda reallaşdırıb.

"Zadəganlar" 1999-cu ildən sonra ilk dəfə 82-ci dəqiqəyə qədər öndə olduqları matçda məğlub olub. "Çelsi" 25 il əvvəl 83-cü dəqiqəyə qədər hesabda irəli olsa da, "Arsenal"a yenilib - 2:3.

Qeyd edək ki, meydan sahibləri "Fulhem"ə 1:2 hesabı ilə uduzublar. 82-ci dəqiqəyədək hesab 1:0 olub.