Klub rəsmisi azərbaycanlı futbolçuya cavab verdi: "Hamısı yalan və təxribatdır"

Klub rəsmisi azərbaycanlı futbolçuya cavab verdi: "Hamısı yalan və təxribatdır" Bütün bunlar yalan və təxribat, müəyyən insanların çirkli oyunlarıdır.
Futbol
110
21 Fevral , 2020 15:48
Klub rəsmisi azərbaycanlı futbolçuya cavab verdi: Hamısı yalan və təxribatdır

"Bütün bunlar yalan və təxribat, müəyyən insanların çirkli oyunlarıdır".

"Report" xəbər verir ki, bunu Qazaxıstan "Aktobe"sinin idarə heyətinin sədri Artur Smaqulov azərbaycanlı futbolçu Fuad Bayramovun klub prezidenti Samat Smakov haqqında söylədiyi fikirlərə münasibət bildirərkən deyib.

Bayramov Azərbaycan mətbuatına müsahibəsində deyib ki, Vəkil adlı şəxs "Aktobe"də oynamaq üçün ondan pul tələb edib. Həmin şəxs futbolçudan məvacibinin yarısını klubun prezidenti S.Smakova verməli olduğunu bildirib.

A.Smaqulov isə "Aktobe" klubununun rəsmi saytına açıqlamasında qeyd edib ki, bu, komandanın imicini ləkələmək üçün atılmış addımdır: "Bayramovun müsahibədə adlarını çəkdiyi şəxsləri tanımıram. Fuad dünən axşam yaxınlaşıb dedi ki, baş məşqçi məni komandada görmək istəmir. Ona bildirdim ki, baş məşqçi belə qərar veribsə, heç bir köməklik göstərə bilmərəm. Daha sona gürcü klubunun prezidenti Levan Silaqadze yaxınlaşdı və futbolçu ilə bağlı məndən xahiş etdi. Amma ona da eyni sözləri dedim. Bildirdim ki, legioner limitimiz doludur. Hesab edirəm ki, bütün bunlar adımızı ləkələmək məqsədi daşıyır".

Qeyd edək ki, Fuad Bayramovun son klubu Gürcüstanın yüksək liqasında çıxış edən "Rustavi" olub.

Son xəbərlər

Orphus sistemi