"Bavariya"nın futbolçusu növbəti dəfə klubla razılaşmadı

Almaniya "Bavariya"sının futbolçusu David Alaba növbəti dəfə klubun müqaviləni yeniləmək barədə təklifini rədd edib.

"Report" "Marca"ya istinadən xəbər verir ki, Münhen təmsilçisi 28 yaşlı müdafiəçiyə illik 11 milyon avro maaş verməyə razı olub. Avstriyalı oyunçu isə bu təklifi geri çevirib.

Alaba ilə İspaniyanın "Real Madrid" və "Barselona" klubları maraqlanır.

Qeyd edək ki, David Alabanın klubla müqaviləsi mövsümün sonunda başa çatacaq.