"Barselona" 88 və 89-cu dəqiqələrdə vurulan qollar sayəsində "Sevilya"ya məğlubiyyətdən qaçıb - VİDEO

Bakı. 1 aprel. REPORT.AZ/ "Sevilya" və "Barselona" futbol üzrə İspaniya çempionatının 30-cu turunda heç-heçə oynayıb.

“Report” xəbər verir ki, meydan sahibləri matçın 88-ci dəqiqəsinədək hesabda 2:0 irəlidə olublar.

Lakin kataloniyalılar Luis Suares və sonradan meydana daxil olan Lionel Messinin bir dəqiqə ərzində vurduğu qollar sayəsində məğlubiyyətdən yaxa qurtara biliblər.

Hazırda "Barselona" turnir cədvəlinə liderliyini inamla davam etdirir. "Sevilya" altıncı yerdədir.

İspaniya çempionatı, La-Liqa, 30-cu tur

"Sevilya" - "Barselona" - 2:2

"Las-Palmas" – "Real" – 0-3

"Jirona" – "Levante" – 1-1

"Atletik Bilbao" – "Selta" – 1-1