Azərbaycanlı futbolçu Türkiyə klubu ilə müqavilə bağladı

Qadınlardan ibarət Azərbaycan millisinin və Rusiya "Ryazan"ının futbolçusu Vüsalə Seyfəddinova karyerasını Türkiyədə davam etdirəcək.

"Report" xəbər verir ki, 20 yaşlı müdafiəçi "Qaziantep ALGSpor" komandasına keçib. Məlumatı klubun rəsmi saytı yayıb.

Qeyd edək ki, "Qaziantep ALGSpor" I liqada mübarizə aparır. Komanda 2020/2021 mövsümündə Türkiyəni Çempionlar Liqasında təmsil edəcək.