Azərbaycanın U-19 millisi Avropa çempionatının seçmə mərhələsində bu gün növbəti oyununa çıxacaq

19 yaşadək qadın futbolçulardan ibarət Azərbaycan millisi Avropa çempionatının seçmə mərhələsində bu gün ikinci oyuna çıxacaq.

"Report" xəbər verir ki, B Liqasının 5-ci qrupunda yer alan kollektiv Şimali Makedoniyanın Strumitsa şəhərində meydan sahiblərinin müvafiq yaş qrupundan ibarət yığması ilə qarşılaşacaq.

Əlverişsiz hava şəraiti və "Mladost" stadionunun meydanının yararsız vəziyyətdə olması səbəbindən noyabrın 28-dən bu günə təxirə salınan görüş Bakı vaxtı ilə saat 13:30-da başlayacaq. Qoran Pandev Məşq Kompleksində keçiriləcək qarşılaşmanı Litvadan olan baş hakim idarə edəcək.

Qeyd edək ki, U-19 ilk matçında sloveniyalı həmyaşıdlarına 0:2 hesabı ilə uduzub.