Azərbaycanın FIFA referiləri Avropa Liqasının oyunlarına təyinat alıblar

Bakı. 12 iyul. REPORT.AZ/ Azərbaycanın FIFA referiləri Avropa Liqasının I təsnifat mərhələsinin cavab oyunlarına təyinat alıblar.

“Report” AFFA-nın rəsmi saytına istinadən xəbər verir ki, Ömər Paşayev Monteneqroya, Rəhim Həsənov isə Moldovaya yollanacaq. Hər iki oyun iyulun 19-da keçiriləcək. 

Avropa Liqası

19 iyul

“OFK Titoqrad” (Monteneqro) – “B36 Torşavn” (Farer adaları)

Baş hakim: Ömər Paşayev

Baş hakimin köməkçiləri: Namiq Hüseynov, Mübariz Haşımov

Dördüncü hakim: Əliyar Ağayev

“Zaria Balti” (Moldova) – “Qornik Zabrze” (Polşa)

Baş hakim: Rəhim Həsənov

Baş hakimin köməkçiləri: Yaşar Abbasov, Akif Əmirəli

Dördüncü hakim: Rauf Cabbarov