Azərbaycan millisinin üzvü: Santuşun təyinatı yığmamız və futbolumuz üçün yaxşı olacaq

Düşünürəm ki, onun təyinatı yığmamız və futbolumuz üçün yaxşı olacaq.

Bunu "Report"a açıqlamasında Azərbaycan millisinin futbolçusu Elvin Camalov yeni təyin olunan baş məşqçi Fernandu Santuş barədə danışarkən deyib.

29 yaşlı yarımmüdafiəçi onun dünyada tanınmış mütəxəssis olduğunu bildirib: "Biz futbolçular da nəticələrin yaxşı olması üçün əlimizdən gələni etməliyik. Onun təcrübəsindən yararlanmalıyıq. Baş məşqçinin göstərişlərini tam yerinə yetirməliyik ki, komandamıza xeyir verək".

Qeyd edək ki, AFFA rəhbərliyi Fernandu Santuş ilə "3+1" illik müqavilə bağlayıb. 69 yaşlı mütəxəssisin qarşısına AVRO-2028-in seçmə mərhələsində uğurlu çıxış etmək məqsədi qoyulub.