Azərbaycan millisindən kənarlaşdırılan Rövşən Hüseynli Xorvatiya ilə matçda da oynamayacaq

İntizamsızlıq səbəbindən Azərbaycanın futzal millisindən kənarlaşdırılan Rövşən Hüseynli Avropa çempionatının əsas mərhələsində bu gün baş tutacaq Xorvatiya ilə matçda da oynamayacaq.

"Report"un əldə etdiyi məlumata görə, baş məşqçi Vitali Borisov təcrübəli qapıçını heyətə qaytarmağı lazım bilməyib.

Qolkiper aprelin 11-də baş tutan İsveçlə matçdan əvvəl baş məşqçinin qərarı ilə komandadan uzaqlaşdırılmışdı.

Qeyd edək ki, Bakı İdman Sarayında keçiriləcək Azərbaycan - Xorvatiya görüşünün start fiti saat 20:00-da səsləndiriləcək.