Azərbaycan Kubokunda I təsnifat mərhələsinə yekun vurulub

Futbol üzrə Azərbaycan Kubokunda I təsnifat mərhələsinə yekun vurulub.

"Report" xəbər verir ki, günün yeganə matçında II Liqa təmsilçiləri - "Dinamo" və "Füzuli" komandaları üz-üzə gəliblər.

Neftçi Futbol Mərkəzində reallaşan qarşılaşma "Dinamo"nun 4:0 hesablı qələbəsi ilə bitib.

Komanda II təsnifat mərhələsində "Səbail"ə rəqib olub.

Qeyd edək ki, daha əvvəl "Şahdağ Qusar" "Kür-Araz"ı (3:1), "Şəfa" "Saatlı-Araz"ı (2:0), "Şəmkir" "Şəki City"ni (1:0), "Ağdaş" "Lerik"i (4:0), "Şimal" "Qusar"ı (4:1), "Hypers Guba" "Göygöl"ü (3:2) məğlub edərək növbəti raunda yüksəlib.