Azərbaycan Kuboku: "Keşlə" "Kəpəz"ə qalib gəldi

Azərbaycan Kubokunda 1/4 final mərhələsinin daha bir oyunu keçirilib.

"Report"un məlumatına görə, "Keşlə" "ASK Arena"da I Divizion təmsilçisi "Kəpəz"lə qarşılaşıb.

Görüş meydan sahiblərinin 1:0 hesablı qələbəsi ilə başa çatıb. Matçda yeganə qolu 42-ci dəqiqədə Sezar Meza Kolli penaltidən vurub.

Komandalar arasında cavab matçı fevralın 7-də Gəncədə oynanılacaq.

Günün son görüşündə "Neftçi" "Bakcell Arena"da "Zirə" ilə üz-üzə gələcək.

Qeyd edək ki, bu mərhələnin dünən baş tutan oyunlarında "Səbail" səfərdə "Sumqayıt"ı 1:0, "Qarabağ" isə "Qəbələ"ni 3:1 hesabı ilə məğlub edib.

Azərbaycan Kuboku: "Keşlə" "Kəpəz"ə qalib gəldi