Bakı. 14 aprel. REPORT.AZ/ Futbol üzrə Azərbaycan I Divizionunda 24-cü tura yekun vurulub.
"Report"un məlumatına görə, mərkəzi görüşdə "Zaqatala" və "Səbail" komandaları üz-üzə gəlib. Tərəflər görüşü hərəyə bir qolla başa vurublar. Bununla da "Turan Tovuz" sona 2 tur qalmış çempionluğunu rəsmiləşdirib və birinci pillənin sahibi kimi Premyer Liqaya vəsiqə qazanıb.
"Zaqatala"nın xal itkisindən yararlanan "Şəmkir" "Energetik"i 5:1 hesabı ilə darmadağın edərək, 5-ci pilləyə yüksəlib. Autsayderlərin qarşılaşmasında isə "Bakılı" "Göyəzən"ə böyük hesabla qalib gəlib - 4:0.