Azərbaycanlı futbolçunun "Spartak"a keçidinin maliyyə şərtləri dəqiqləşib

Bakı. 8 yanvar. REPORT.AZ/ Rusiyanın “Spartak” klubu azərbaycanlı futbolçu Ayaz Quliyevlə müqavilə bağlayacaq.

“Report" “Sport-Ekspress”ə istinadən xəbər verir ki, Moskva təmsilçisi yarımmüdafiəçinin özü və klubu “Rostov”la ortaq məxrəcə gəlib. 22 yaşlı futbolçu “Spartak”la uzunmüddətli müqavilə bağlayacaq və illik 1,2 milyon avro məvacib alacaq.

“Rostov”a isə 1 milyon avro təzminat ödəniləcək.

Qeyd edək ki, A.Quliyev məhz mövsümün əvvəlində yetirməsi olduğu “Spartak”dan “Rostov”a keçib. O həmçinin 21 yaşadək futbolçulardan ibarət Rusiya milli komandasının da formasını geyinib. Hazırda onun Azərbaycanın əsas yığmasına cəlb olunması gündəmdədir.