"Ayaks" futbolçusunun saxlanılmasına münasibət bildirdi

Niderlandın "Ayaks" klubunun futbolçusu Quinsi Promes saxlanılıb.

"Report" xəbər verir ki, bu barədə "Fox Sports"a Amsterdam təmsilçisinin mətbuat xidmətindən məlumat verilib.

Klub mövzu ilə bağlı danışmağın tez olduğunu bildirib: "Bir hadisədə günahlandırılırsınızsa, bu, onu etdiyiniz anlamına gəlmir".

Qeyd edək ki, Quinsi Promes Niderlandda ailə üzvlərindən birinə bıçaqla xəsarət yetirməkdə ittiham edilir. 28 yaşlı hücumçunun iyul ayında mübahisə zamanı ailə üzvünü yaraladığı ehtimal edilir.