Avstriya yığmasının kapitanı bir aylıq sıradan çıxıb

Avstriya yığmasının kapitanı David Alaba bir ay müddətinə sıradan çıxıb.

“Report” xəbər verir ki, bu barədə 31 yaşlı müdafiəçinin formasını geyindiyi İspaniya klubu “Real Madrid” məlumat yayıb.

UEFA Çempionlar Liqasının 1/8 final mərhələsində İngiltərə təmsilçisi “Liverpul”la görüşdə zədələnən ulduz futbolçuda sağ bud əzələ yırtığı aşkarlanıb. Alaba bir ay ərzində “kral klubu”na kömək edə bilməyəcək.

Avstriyalı oyunçu böyük ehtimalla AVRO-2024-ün seçmə qrup mərhələsində Azərbaycan millisinə qarşı keçiriləcək ilk görüşü də buraxacaq.

Qeyd edək ki, Avstriya – Azərbaycan matçı martın 24-də Lins şəhərində baş tutacaq.