Avropa Liqası: “Qarabağ” bu gün pley-off mərhələsində ilk oyununu keçirəcək

“Qarabağ” bu gün UEFA Avropa Liqasında növbəti oyununa çıxacaq.

“Report”un məlumatına görə, Azərbaycan çempionu turnirin pley-off mərhələsinin ilk görüşündə Sloveniyanın “Olimpiya” klubunun qonağı olacaq.

“Stojitse” stadionunda baş tutacaq matç Bakı vaxtı ilə saat 22:00-da start götürəcək. Qarşılaşmanı bolqarıstanlı hakim Georgi Kabakov idarə edəcək.

Qeyd edək ki, bu komandalar arasında cavab oyunu avqustun 31-də Bakıda keçiriləcək.

UEFA Avropa Liqası
Pley-off mərhələsi, ilk oyun
24 avqust
22:00. “Olimpiya” (Sloveniya) – “Qarabağ” (Azərbaycan)
Baş hakim: Georgi Kabakov
Lyublyana. “Stojitse” stadionu