“Qəbələ” tarixində 8-ci dəfə avrokuboklara vəsiqə qazanıb - YENİLƏNİB

“Qəbələ” tarixində 8-ci dəfə avrokuboklara vəsiqə qazanıb.

“Report”un məlumatına görə, “qırmızı-qaralar” Azərbaycan Premyer Liqasının XXXVI - sonuncu turunda “Kəpəz”lə heç-heçə edərək (1:1) buna nail olub.

Mövsümü 50 xalla dördüncü pillədə başa vuran Elmar Baxşıyevin yetirmələri “Sabah” və “Neftçi”dən sonra 2023/2024 mövsümündə UEFA Konfrans Liqasında iştirak hüququna yiyələniblər. Çünki turun digər matçında “Sumqayıt”ı 3:0 hesabı ilə üstələyən “Zirə” xallarının sayını 50-yə yüksəltməsinə baxmayaraq, şəxsi görüşlərdəki üstünlük bölgə təmsilçisinin 4-cü yeri tutmasına səbəb olub.

“Qəbələ” digər komandalarla birlikdə Konfrans Liqasında II təsnifat mərhələsindən mübarizəyə qoşulacaq.

“Qırmızı-qaralar” buna qədər 6 dəfə Avropa Liqasında (2014/2015, 2015/2016, 2016/2017, 2017/2018, 2018/2019, 2019/2020), 1 dəfə isə Konfrans Liqasında (2022/2023) yer alıb.

Qeyd edək ki, bu gün “Səbail”lə “Şamaxı” elitada qalmaq uğrunda matçda üz-üzə gələcəklər. Mayın 28-də keçiriləcək “Neftçi” – “Sabah” və “Qarabağ” – “Turan Tovuz” qarşılaşmaları ilə Premyer Liqada 2022/2023 mövsümünə yekun vurulacaq.

Azərbaycan Premyer Liqasında XXXVI turun ilk iki oyununun heyətləri müəyyənləşib.

“Report”un məlumatına görə, saat 17:30-da start götürəcək “Qəbələ” – “Kəpəz” və “Sumqayıt” – “Zirə” matçları üçün komandalar “11-lik”lərini açıqlayıblar.

17:30. “Qəbələ” – “Kəpəz”
“Qəbələ”: 13. Kristof Atanqana, 2. İlkin Qırtımov, 27. Məqsəd İsayev, 28. Murad Musayev (k), 77. Emil Səfərov, 91. Ramon Maçado, 4. Ruan Renato, 5. İsnik Alimi, 23. Rafael Utziq, 97. Felipe Santos, 9. Əyyub Allaş
Ehtiyat oyunçular: 1. Səlahət Ağayev, 36. Elməddin Sultanov, 11. Asif Məmmədov, 34. Urfan Abbasov, 14. Ülvi İsgəndərov, 7. Rövlan Muradov, 33. Hüseyn Mürsəlov, 12. Rüfət Əhmədov, 16. Nicat Əliyev, 17. Yaovi Akakpo, 10. Omar Hani, 8. Andrey Strijak
Baş məşqçi: Elmar Baxşıyev
“Kəpəz”: 68. Orxan Sadıqlı, 80. Tural Rzayev (k), 14. Elçin Əlicanov, 77. Fərid Nəbiyev, 2. Zamiq Əliyev, 5. İdris İnqilablı, 3. Abdulla Rzayev, 20. Mahir Həsənov, 9. Mate Kvirkviya, 7. Giorgi Kantariya, 19. Abdullahi Şuaybu
Ehtiyat oyunçular: 71. Mario Mustapiç, 8. Tural Axundov, 70. Nicat Süleymanov, 27. Samir Məhərrəmli, 91. Nizami Səmədov, 44. Nihat Fərəci, 66. Arzu Atakişiyev, 10. Salif Sisse, 40. Ahmed Ayzaya, 21. Martins Junior
Baş məşqçi: Tərlan Əhmədov

17:30. “Sumqayıt” – “Zirə”
“Sumqayıt”: 13. Aydın Bayramov, 14. Elvin Bədəlov (k), 10. Vüsal İsgəndərli, 17. Murad Xaçayev, 8. Səbuhi Abdullazadə, 20. Ayxan Süleymanlı, 21. Nihad Əhmədzadə, 5. Stiven Pereyra, 9. Karim Abubakar, 23. Kamran Aliev, 71. Masaki Murata
Ehtiyat oyunçular: 25. İlnur Valiev, 32. Murad Ağamalıyev, 24. Elşən Abdullayev, 18. Süleyman Əhmədov, 28. Nurlan Bayramov, 88. Həsrət Mürsəlov, 7. Terrens Tisdel
Baş məşqçi: Samir Abasov
“Zirə”: 1. Mehdi Cənnətov, 10. Rəhim Sadıxov, 2. Sertan Taşkın (k), 11. Rüstəm Əhmədzadə, 9. Loris Broqno, 23. Andriya Lukoviç, 44. Dmitrios Çantakias, 70. İssa Cibrila, 26. Nemanya Andelkoviç, 28. Abbas İbrahim, 6. Eldar Quliyev
Ehtiyat oyunçular: 41. Anar Nəzirov, 22. Nail Alışov, 15. Ruslan Abışov, 77. Mirsayib Abbasov, 18. Slavik Alxasov, 91. Coşqun Diniyev, 32. Qismət Alıyev, 66. Pərviz Azadov, 38. Ramiz Muradov, 96. Donald Gerye, 5. Moiz Adileu, 17. Toni Qomes
Baş məşqçi: Rəşad Sadıqov