Antonio Konte əməliyyat olunub

İngiltərənin "Tottenhem" klubunun baş məşqçisi Antonio Konte əməliyyat olunub.

"Report" London təmsilçisinin rəsmi saytına istinadən xəbər verir ki, 54 yaşlı mütəxəssis öd kisəsindəki problemə görə cərrahi müdaxiləyə ehtiyac duyub.

İtaliyalı baş məşqçi bir müddət əvvəl qarın nahiyəsində kəskin ağrılar hiss edib.

Konte sağaldıqdan sonra komandaya qayıdacaq.

Qeyd edək ki, Antonio Konte 2021-ci ilin noyabrından "Tottenhem"ə rəhbərlik edir.