Amerika Kubokunda 41 nəfər koronavirusa yoluxub

Futbol üzrə Amerika Kubokunda bu vaxta qədər koronavirusa yoluxan şəxslərin sayı açıqlanıb.

"Report"un "Reuters"ə istinadən məlumatına görə, 41 nəfərin testi müsbət nəticələnib.

Onlardan 31-i oyunçu və nümayəndə heyətinin üzvləri, digər 10-u isə hotellərdə çalışan işçilərdir. 10 ölkənin qatıldığı yarış iyunun 13-də start götürüb.

Qeyd edək ki, Amerika Kubokuna iyulun 11-də yekun vurulacaq.