Almaniyalı məşqçi: “Qarabağ” klubu Avstriyada tanınır”

“Avstriyada da Azərbaycan klubları izlənilir, “Qarabağ” tanınır”.

“Report” xəbər verir ki, bunu Avstriya millisinin baş məşqçisi Ralf Ranqnik Azərbaycan yığmasına 1:0 hesabı ilə qalib gəldikləri AVRO-2024-ün seçmə mərhələsinin oyunundan sonra deyib.

Almaniyalı mütəxəssis Azərbaycan çempionunun UEFA Avropa Liqasının qrup mərhələsində ölkəsinin “Bayer 04” klubu önündə şanslarını dəyərləndirib: “Qarabağ”la maraqlanırıq, Avstriyada məlumatımız var. “Bayer 04” indi yaxşı formadadır, Bundesliqada yaxşı nəticələri var. Xal alıb-almayacaqlarını zaman göstərəcək”.

Qeyd edək ki, “Qarabağ”la “Bayer 04” arasında oyunlar oktyabrın 26-da Leverkuzendə, noyabrın 9-da isə Bakıda keçiriləcək.