Canni De Byazi AFFA İcraiyyə Komitəsinin fövqəladə iclasını erkən tərk edib - YENİLƏNİB

Azərbaycan millisinin baş məşqçisi Canni De Byazi AFFA-nın İcraiyyə Komitəsinin fövqəladə iclasını erkən tərk edib.

"Report"un məlumatına görə, 67 yaşlı mütəxəssis 10 dəqiqə toplantıda iştirak edib.

AFFA-nın İcraiyyə Komitəsinin (İK) fövqəladə iclası başlayıb.

"Report"un məlumatına görə, İK üzvlərindən Fərid Mansurov, Elxan Məmmədov, Mahir Məmmədov və Elmar Məmmədyarov toplantıda iştirak etmirlər.

İclasın gündəliyinə Azərbaycan millisinin baş məşqçisi Canni De Byazinin hesabatı və müqavilə müddətinin artırılıb-artırılmama məsələsi daxil edilib.