Serxio Peres: Bakıdakı yarış mənim üçün daha yaxşı olmalıdır

Düşünürəm ki, bu həftəsonu mənim üçün daha yaxşı olmalıdır.

"Report"un "Gpblog.com"a istinadən məlumatına görə, bunu "Formula 1" üzrə dünya çempionatında çıxış edən "Red Bull" pilotu Serxio Peres Azərbaycan Qran-prisi ilə bağlı danışarkən deyib.

Meksikalı sürücü Bakıdakı yarışda özünə inandığını söyləyib:

"Montsadakı yarış çox çətin idi. İndi isə inamım böyükdür".

Peres şəhər treklərində uğurlu çıxış etməsinə də toxunub:

"Keçmişdə nə etdiyinizin heç bir əhəmiyyəti yoxdur. Bu, tamamilə yeni çağırışdır".

Qeyd edək ki, bu gün start götürəcək Azərbaycan Qran-prisi sentyabrın 15-də başa çatacaq.