Maks Ferstappen ardıcıl 4-cü dəfə "Formula 1" üzrə dünya çempionu olub

“Red Bull” komandasının niderlandlı pilotu Maks Ferstappen ardıcıl 4-cü dəfə "Formula 1" üzrə dünya çempionatının qalibi olub.

"Report"un məlumatına görə, o, buna Las Veqas Qran-prisini beşinci sırada başa vurmaqla nail olub.

ABŞ-dəki yarışda "Mercedes" sürücüsü Corc Rassel birinci olub. Onun komanda yoldaşı Lyuis Hemilton ikinci yeri tutub.

"Ferrari"dən Karlos Sayns "üçlüy"ü tamamlayıb.

Qeyd edək ki, mövsümün başa çatmasına daha iki Qran-pri qalıb.