WADA AMADA üçün təlimat hazırladı

Ümumdünya Antidopinq Agentliyi (WADA) koronavirus pandemiyası zamanı milli antidopinq agentlikləri üçün təlimatları yeniləyib. 

"Report"un qurumun rəsmi saytına istinadən verdiyi məlumata görə, əsas diqqət idmançıları testlərdən keçirməyə yönəlib. 

Təlimat pandemiyanın inkişaf etməkdə olan təbiətini, sınaq proqramına təsirini və bəzi ölkələrin məhdudiyyətlər səbəbindən normal vəziyyətə dönmələrini əks etdirmək üçün hazırlanıb.  

Hesabatda, bu dönəmdə test müddətində nümunə götürmə prosedurlarının milli təşkilatlar və onların işçiləri tərəfindən tətbiq edilməli olduğu da bildirib. 

WADA prezidenti Vitold Banka idmançıların və ya onlarla əlaqə quran hər kəsin sağlamlığını təhlükəyə atmadan sistemin bütövlüyünü qorumaq üçün təlimat verdiklərini deyib. O, məhdudiyyətlər aradan qaldırıldıqdan sonra sitemin mümkün qədər tez tam gücü ilə qayıtmasının vacibliyini söyləyib.

Qeyd edək ki, Azərbaycanda dopinqə Azərbaycan Milli Antidopinq Agentliyi (AMADA) nəzarət edir.