Yuxarı

Şahmat üzrə Azərbaycan yığma komandaları ilə görüş keçirilib

Rəsmilər Bakı Kristal Zalında olublar

Bakı. 31 avqust. REPORT.AZ/ Baş nazirin birinci müavini, Bakı Şahmat Olimpiadasının Təşkilat Komitəsinin sədri Yaqub Eyyubov, gənclər və idman naziri Azad Rəhimov, Azərbaycan Şahmat Federasiyasının prezidenti Elman Rüstəmov, Bakı Şahmat Olimpiadasının Əməliyyat Komitəsinin direktoru, Azərbaycan Şahmat Federasiyasının vitse-prezidenti Mahir Məmmədov mötəbər yarışın keçiriləcəyi Bakı "Kristal Zal"ında olub. Olimpiadanın mətbuat xidmətindən "Report"a verilən məlumata görə, arenada yaradılan şəraitlə tanış olan rəsmilər kompleksin 42-ci Ümumdünya Şahmat Olimpiadasına hazır olduğunu bildiriblər.

Sonra Bakı Şahmat Olimpiadasında iştirak edəcək Azərbaycan yığmaları ilə görüş keçirilib.

Qeyd edək ki, Azərbaycan olimpiadada həm kişilər, həm də qadınların yarışında 3 komanda ilə təmsil olunur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi