Rusiyalı nümayəndələr IOC-nin iclaslarına buraxılmayacaq

Beynəlxalq Olimpiya Komitəsi (IOC) iclaslarını rusiyalı nümayəndələrin iştirakı olmadan keçirməyi planlaşdırır.

"Report" xəbər verir ki, bu barədə "Tages-Anzeiger" nəşri məlumat yayıb.

Bildirilib ki, qurum Rusiya vətəndaşlığı olan IOC üzvlərinin hazırkı statusu ilə bağlı yekun qərarını yaxın günlərdə açıqlayacaq.

Qeyd edək ki, Beynəlxalq Olimpiya Komitəsi daha əvvəl beynəlxalq federasiyaları Rusiya və Belarus idmançılarını yarışlara buraxmamağı tövsiyə edib.