Yuxarı
    Bağlamaq

    Olimpiadaya lisenziya xarakterli dünya çempionatına yollanacaq Azərbaycan ağırlıqqaldıranlarının adları açıqlanıb

    Çempionatda 100-dək ölkədən 538 ağırlıqqaldıran mübarizə aparacaq

    Bakı. 30 mart. REPORT.AZ/ Aprelin 3-də Tailandın pytaxtı Banqkokda keçiriləcək 2018-ci il Yeniyetmələrin Yay Olimpiya Oyunlarına lisenziya xarakterli dünya çempionatı üçün ağırlıqqaldırma üzrə Azərbaycan milli komandasının heyəti açıqlanıb.

    Azərbaycan Ağır Atletika Federasiyasından "Report"a verilən məlumata görə, 100-dək ölkədən 538 ağırlıqqaldıranın (179 qız və 359 oğlan) qatılacağı yarışa 9 idmançı yollanacaq. Bir həftəyədək davam edəcək çempionatda Səbinə Əzimova (48 kq), İsmayıl Məmmədov, Elməddin Hüseynov ( hər ikisi 56 kq), Elvin Abdullayev (62 kq), Füqan Əliyev (69 kq), Tarmenxan Babayev (77 kq), Mayıl Şükürlü (85 kq), Ümidvar Bayramlı (94 kq) və Həsənbəy Həsənzadə (+94 kq) qüvvəsini sınayacaq. 

    Qeyd edək ki, Yeniyetmələrin Yay Olimpiya Oyunları 2018-ci ildə Argentinanın paytaxtı Buenos-Ayresdə keçiriləcək. Banqkokda təşkil olunacaq dünya birinciliyindəki nəticələr idmançıların lisenziya üçün reytinq xallarına təsir edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi